Жамбылдық оқушылар республикалық олимпиадада топ жарды

2023 жылдың 30 қазан – 2 қараша аралығында Жезқазған қаласында ҚР Оқу-ағарту министрлігінің «Дарын» республикалық ғылыми-практикалық орталығы, Ұлытау облысының Білім басқармасы және «The Ulytau Educational Foundation» қоғамдық қорының ұйымдастыруымен 9-сынып оқушыларына арналған Қ.Сәтбаев атындағы химия пәні бойынша республикалық олимпиада өтті. Республикалық олимпиадаға әр өңірдің 76 оқушысы қатысса, соның ішінде Жамбыл облысынан 3 оқушы қатысты. Олимпиаданың мақсаты - дарынды балаларды анықтау және қолдау, теориялық білім мен практикалық дағдыларын тереңдету, олардың химия пәнін оқуға қызығушылығын арттыру. Олимпиада қорытындысы бойынша 2 оқушы жеңімпаз атанып,  Қазақстан Республикасы Оқу-ағарту министрлігінің III дәрежелі дипломдарымен марапатталды. ІІІ ДӘРЕЖЕЛІ ДИПЛОМ ИЕГЕРЛЕРІ: - БАЙСБЕК МИРАС - Дарынды ер балаларға арналған мамандандырылған «Білім-Инновация» лицей-интернатының оқушысы; - ЕНДІБАЙ АЛМАС – Дарынды балаларға арналған мамандандырылған «Дарын» лицей-интернатының оқушысы.