Жамбыл облысында 2023 жылдың 20 қарашасына 2124 астам қызылшамен ауырғандар тіркелді, ауырғандардың негізгі бөлігі – балалар (82%). Ауру облыстың барлық аудандарында анықталуда,  бірақ ең көп жағдайлар Тараз қаласында (1339 ж.), Меркі ауданында (150ж.), Байзақ (148ж.), Шу (134ж.) аудандарында тіркелуде. Ауырғандардың арасында 85% әр түрлі себептермен екпе алмағандар, бірақ бұлардың көбі екпеден бас тартқандар (33%),  медициналық кері көрсетілімдері балалар (26%), екпе алу жасына жетпегендер (20%). Қызылшаны емдеудің арнайы және тиімді емі жоқ.Қызылшадан сақтанудың жалғыз жолы вакцинация жасау болып табылады. Ұлттық екпе жүргізу күнтізбесіне сай, вакцинация жоспарлы түрде  1 жаста және 6 жаста жасалады. Вакцинация  үшін қызылшаға қарсы тиімді әрі қауіпсіз, қызамыққа және паротитке қарсы компоненттері қосылған  вакцинасы (ККП) қолданылады. Жамбыл облысында 7 қарашада қызылшаға қарсы қосымша жаппай иммундау басталды. Вакцинацияны  6 айлықтан бастап, 11 айға толған балалар, 2,3,4 жастағы балалар алады. Сонымен қатар, екпе алғаны туралы мәліметі жоқ, уақытысында екпе алмағандарға екпе жүргізілуде (наверстывающая вакцинация). Бүгінде қызылшаға қарсы 5 мыңнан аса адам екпе алды, және күнде бұл сан арта өсуде. Біле жүргеніңіз дұрыс, қызылша мен қызамықтан емдеуге арнайы дәрі-дәрмектер жоқ, сондықтан да тек екпе ғана Сізді және балаңызды осы инфекциялардан қорғайды. Сонымен қатар, індеттің алдын алуда төменде көрсетілген шараларды сақтау қажеттігін ескертеміз:

1. Адамдар көп шоғырланған ортадан аулақ болу. Егер де Сіз осындай жерлерге барсаңыз немесе бару қажет болса, онда медициналық бетпердені (масканы)  пайдаланыңыз;
2. Ара қашықтықты сақтау қажет және респираторлық гигиена мен қол жуу гигиенасын ұмытпаған жөн.

Қызылша – бұл жедел басталатын инфекциялық вирусты ауру, адамнан адамға ауа тамшылары арқылы жұғады. Ауру жоғары температурамен, ауыз қуысының және жоғарғы тыныс алу жолдарының шырышты, сілекей қабаттарының қабынуымен, сондай-ақ өзіне тән бөртпесімен  сипатталады.