Биылғы жылы да Жамбыл облысы әкімдігінің мәдениет, архивтер және құжаттама басқармасы тарапынан жоспарланған шаралар мен көзделген мақсатты индикаторларға қол жеткізіліп, мәдениет, архив саласында бірқатар нәтижелі жұмыстар атқарылуда. Бүгінгі күні облыс көлеміндегі мәдениет, архив мекемелерінің саны 511-ге жетті. Оның 27-сі басқармаға қарайды, қалған 484-і аудан әкімдіктеріне бағынысты (оның ішінде: 197 мәдениет үйлері мен клуб мекемелері, 274 кітапхана, 2 облыстық драма театрлары, 2 кинотеатр, 19 музей, 12 архив, облыстық филармония, облыстық халық шығармашылығы орталығы, облыстық кино орталығы, тарихи-мәдени ескерткіштерді қорғау және қалпына келтіру дирекциясы, Ш. Мұртаза атындағы руханият және тарихтану орталығы). Басқармаға қарайтын 27 мекеменің 10-ы коммуналдық мемлекеттік қазыналық кәсіпорындар, 17-сі коммуналдық мемлекеттік мекемелер. Аталған мәдениет және архив мекемелері ауқымды істер атқарып, діттелген көрсеткіштерге қол жеткізуде. Баспасөз конференциясында басқарма басшысы Ерлан Жүнісбай жыл бойы мәдениет, архив саласында атқарылған жұмыстар мен көрсеткіштерге тоқталып, есеп береді. Сондай-ақ, жыл соңына дейін жоспарланған іс-шаралар кешені жайлы ақпараттар да ортаға салынады.