Жақсылық Үшкемпіровті еске алуға арналған халықаралық турнир

Жамбыл облысы әкімдігі дене шынықтыру және спорт басқармасының ұйымдастыруымен  8 желтоқсан күні  облыс орталығы - Тараз қаласындағы Ж. Үшкемпіров атындағы «Тараз-Арена» спорт сарайында Олимпиада чемпионы, Әлем чемпионы, КСРО еңбек сіңірген спорт шебері, Қазақстанның Еңбек Ері Ж.Үшкемпіровті еске алуға арналған грек-рим күресінен жасөспірімдер арасындағы халықаралық турнирдің ашылу салтанаты өтті. Жарысты Жамбыл облысы әкімінің орынбасары Қанатбек Қайшыбекұлы Мәдібек салтанатты түрде ашып,  құттықтау сөз айтты. Сонымен қатар, жарыстың құрметті қонағы болып Жақсылық Үшкемпіров ағамыздың қарындасы, Шырынкүл Үшкемпірқызы Үшкемпірова, Жамбыл облыстық спорт ардагерлері кеңесінің төрағасы,        ҚР еңбек сіңірген жаттықтырушы, құрметті Тәуірбек Әбітайұлы Қарауылтегі, Жамбыл облыстық грек-рим, еркін және әйелдер күресі федерациясының президенті,  Әлімбек Әсембекұлы Жұмабаев және де Жамбыл облысы әкімдігінің дене шынықтыру және спорт басқармасының басшысы Арман Бақытжанұлы Ташметов жарыстың ашылу салтанатына қатысты. Аталған жарысқа  алыс-жақын шет мемлекеттер атап айтқанда Қырғыз Республикасы,  Тәжікстан Республикасы, Өзбекстан Республикасы және Қазақстан Республикасының құрама командалары қатысуда.