Қай елдерден келді? Қандастардың жартысынан көбі Өзбекстаннан, 19,6% – ҚХР – дан, 10,8% – Моңғолиядан, 8,5% – Түркіменстаннан, 7,2% - Ресейден және 2% - басқа елдерден. Еңбекке қабілетті жастағы этникалық қоныс аударушылар саны 60,5% құрайды. Қай жерге орналасты? Этникалық қазақтар республиканың түрлі аймақтарына қоныстанды. Сонымен қатар, қандастарды қоныстандыру үшін еңбек тапшылығы бар өңірлер анықталды: Ақмола, Абай, Қостанай, Павлодар, ШҚО және Солтүстік Қазақстан облыстары. Бұған дейін еңбек және халықты әлеуметтік қорғау министрлігі қандастар мен қоныс аударушыларды қабылдаудың 2024 жылға арналған өңірлік квотасын белгілеу туралы бұйрықтың жобасын ұсынған болатын.