Бүгін Жамбыл облысы әкімдігінің білім басқармасының «№16 Жуалы колледжінде «Жас маман» жобасы аясында «Ауыл шаруашылығын механикаландыру» мамандығы бойынша құзыреттілік орталығының ашылу салтанаты өтті. Айта кетейік, 2021 жылы №16 Жуалы колледжі «Жас маман» республикалық жобасының қатысушысы болды. Жобаның мақсаты республиканың 180 колледждерінің материалдық-техникалық базасын жаңғырту және нығайту, сонымен қатар еңбек нарығының сұранысқа ие мамандықтары бойынша бәсекеге қабілетті мамандарды даярлау болып табылады. Сол 100 сұранысқа ие мамандықтар тізбесіне колледждің «Ауыл шаруашылығын механикаландыру» мамандығы да кірген болатын. Халықаралық стандарттарға сәйкес жаңа жабдықтармен, бағдарламалармен оқыту - ауылшаруашылығының техникалары, агрегеттар мен қажетті құрал - саймандар колледж студенттерін даярлау процесін жақсартып қана қоймай, колледж базасында құрылған құзыреттілік орталығын айтарлықтай нығайтуға мүмкіндік береді. Бұл орталық World Skills облыстық, республикалық және халықаралық чемпионаттарының қатысушыларын даярлауға, World Skills сарапшыларының тағылымдамаларына, сондай-ақ шетелдік серіктестермен тәжірибе алмасуға арналған. Құзыреттілік орталықтың ашылу салатанатына зиялы қауым өкілдері, ұстаздар мен колледж студенттері қатысты. "Жас маман" жобасы бойынша колледжге барлығы 17 ауыл шаруапшылық техникалар мен қосалқы агрегаттар алынды, және мультимедиялық кабинеттермен жабдықталды. Сондай-ақ, іс-шара барысында жоба бойынша алынған техникалардың парады көрсетіліп, ашылу салтанаты концерттік бағдарламаға ұласты.