Қыста балық аулау кезіндегі қауіпсіздік

Ағымдағы жылдың 17 қаңтарда Өңірлік орталық коммуникациялар қызметінде қысқы балық аулау кезеңінде, шомылу кезінде қауіпсіздік шараларын сақтау, сондай-ақ өрт қауіпсіздігі және улы түтіннен салдарынан орын алатын адам өлімінің алдын алу бойынша баспасөз конференциясы өтті. Кездесу спикерлері Жамбыл облысы ТЖД бастығының орынбасары полковник Орынбеков Руслан Нұрланұлы, ТЖД Мемлекеттік өрт бақылау басқармасының бастығы Мақсат Әкімбаев және Тараз қаласы "Құдай Анасының жорамалы" соборының протоиерейі Георгий Власенко Юрий Павлович болды. ТЖД қызметкерлері жүргізілген профилактикалық жұмыстар, қысқы кезеңдегі балық аулау барысындағы қауіпсіздік ережелерін сақтау қажеттілігі және өзге де  іс-әрекеттер туралы тілге тиек етті.  Су нысандарында балық аулау кезіндегі қауіпсіздікті, сондай-ақ мұз қатқан су айдындарындағы балалардың қауіпсіздігін қамтамасыз ету мақсатында міндетті түрде өздерімен бірге тиісті құралдардың болуын, сондай-ақ өрт қауіпсіздігі ережелерін сақтауға, тек жарамды жылыту аспаптарын пайдалануға, пештер мен каминдердің жарамдылығын бақылауға ерекше назар аударуды ұсынды. Православие өкілі отец Георгий "Крещение Господне " мерекесі туралы, сондай-ақ аталған күні шомылудың халықтық дәстүрі туралы әңгімеледі. ТЖ департаменті мен ПД және еріктілермен бірлесіп су айдындарында жазатайым оқиғалардың алдын алу бойынша бірқатар іс-шаралар жүргізуде. 2023-2024 жылдардың күзгі-қысқы кезеңдерінде балық аулау орындарында 800 астам (2022 ж.-560) рейдтік іс-шаралары жүргізілді, онда судағы қауіпсіздік ережелерін сақтау жөніндегі шаралар түсіндіріліп, 8000-ға жуық (2022 ж.-4493) үгіт-насихат материалдары таратылды. Сондай-ақ, балық аулау және аң аулау дүкендерінде үгіт-насихат жұмыстары жүргізілуде. Сондай-ақ, облыстың су айдындарында 110 (2022 ж.-60) ескерту белгісі орнатылған. Оқу орындарында судағы жүріс-тұрыс ережелерін сақтау бойынша 249 (2022 ж.-563) нұсқама және 1725 (2022 ж.-2971) оқушыны қамтитын 58 (2022 ж.-56) интерактивті сабақ өткізілді. Жүргізілген іс-шараларға қарамастан 2023 жылғы қысқы кезеңде 2 оқиға тіркеліп, онда 3 адам (2018-2022 жылдар аралығында 7 адам) балық аулау кезінде қаза тапты. Қазіргі таңда облыс аумағында ауа райының тұрақсыздануына байланысты су айдындарында мұз толық көлемде қатпаған. Мұздың қауіпсіз қалыңдығы бір адам үшін кемінде 10 сантиметр, бұқаралық іс-шаралар мен автокөлік өткелдерін ұйымдастыру үшін кемінде 25 сантиметрді құрайды. Мұздың беріктігін аяқ соққылармен тексеруге тыйым салынады. Егер мұз, арнайы құралдың бір қатты соққысымен жарылып кетсе, онда қалыңдығына қарамастан оған шығуға болмайды. Қармен жабылған мұзға назар аудару керек. Өзіңізбен бірге 10-15 метр арқан алу қажет. Ол сізге немесе басқа біреуге қажет болуы мүмкін. Мұздың үстімен күндізгі уақытта ғана қозғалу және сол маршрутпен оралу қажет. Жалғыз балық аулауға бару қауіпті. Мұзда бір-бірінен 3-4 метр қашықтықта қозғалғаныңыз жөн. Жеке автокөлікпен шығуға қатаң тыйым салынады. Мұздың жұқа және жетілмеген жерлеріне шығуға, жекелеген (қауіпті) учаскелерінде топтарға жиналуға, мұздағы ойықтарға, жарықтарға жақындауға және от жағуға тыйым салынады. Мұзда және аязда алкогольдік сусын ішу жазатайым оқиғаларға әкеледі. Дененің мұздауы немесе мұздың астына түсіп кету мүмкіндігі бірден пайда болады. Алкоголь денені жылытады деген қате пікір. Балық аулау кезінде мұзға шыққанда құтқару кеудешесін кию қажет. Ата-аналардың назарына: балаларды қараусыз мұзға жібермеулеріңізді және мұздың үстіндебалалардың ойын ойнауына жол бермеулеріңізді сұраймын.