С.ШӘКІРОВ АУЫЛЫНДА 4 ШАРУАҒА 90 МЛН ТЕҢГЕГЕ НЕСИЕ БЕРІЛДІ
С.Шәкіров ауылдық округінде былтыр «Агробизнес» бағдарламасы аясында 4 шаруа қожалыққа 90 млн теңге несие берілген.
Қаражатқа 1018 бас қой, 63 бас жылқы алынды. Бұл туралы Өңірлік коммуникациялар қызметінде С.Шәкіров ауылдық округінің әкімі Бекбосын Ринат мәлімдеді. Айта кетейік, Ауылдық округтегі мал басы: МІҚ – 2675 бас, қой-ешкі – 36924 бас, жылқы – 1117 бас, түйе – 128 бас, үй құстары – 867 бас.
Оның ішінде ауыл тұрғындары МІҚ 1266 бас, қой – ешкі 12430 бас, жылқы 288 бас, түйе 45 бас.
2024 жылы 16 шаруа қожалыққа асыл тұқымды мал шаруашылығын дамытуға 68,4 млн. теңге субсидия берілді.