БАСПАНАЛЫ БОЛУДЫҢ ҚАНДАЙ ЖОЛДАРЫ БАР?
Үй алудың жаңа мүмкіндіктері айтылды Жамбыл облысы өңірлік коммуникациялар қызметі алаңында «Отбасы банк» Тұрғын үй құрылыс жинақ банкі» АҚ-ның Жамбыл облыстық филиалы директорының орынбасары баспасөз конференциясына қатысып, баспаналы болудың бірнеше бағыттарымен бөлісті.
Жалпы мемлекеттік бағдарлама аясында «Отбасы» бан арқылы үй алғыңыз келсе, банк ұсынған бірнеше ережелерді ұстану маңызды дейді мамандар. Яғни, банктегі жинақ шотында қаражатты жинақтауды және тұрғын үй құрылыс жинақ шартының үш талабын орындау қажет.
- кемінде үш жыл сақтау;
- шарт сомасының кемінде 50%-ын жинақтау;
- бағалау көрсеткішінің 16 ең төменгі мөлшеріне қол жеткізу.
Баспаналы болу үшін жаңа бағдарламар жүзеге асты. Соның бірі «Отау» бағдарламасы.
Шарттары:
- 20%-дан бастап бастапқы жарна;
- несие мөлшерлемесі – 9% (GESV 9,3%-дан 11,8%-ға дейін);
- несие мерзімі 19 жылға дейін.
«Наурыз» бағдарламасы.
«Отау» бағдарламасына іріктеуден өтпеген қатысушылар «Наурыз» бағдарламасына қатысуға өтініш бере алады.
Оның шарттары мынандай:
- 20%-дан бастап бастапқы жарна;
- тұрғын үй алу кезегінде тұрған азаматтардың әлеуметтік жағынан осал санаттары үшін несие мөлшерлемесі – 7% (ЖБҚ 7,3%-дан 8,9%-ға дейін);
- азаматтардың барлық санаттары үшін несие мөлшерлемесі – 9% (GESV 9,3%-дан 11,8%-ға дейін);
- несие мерзімі 19 жылға дейін.
Мемлекеттік бағдарламаның Тұрғын үй тұжырымдамасы
Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы шеңберінде жергілікті атқарушы органдардың кезекте тұрғандарды әлеуметтік тұрғын үймен қамтамасыз етуді жүзеге асыру.
2024 жылдың 24 мамырынан бастап өтініштер «Баспана Маркет» жылжымайтын мүлік порталы арқылы қабылданады. Нысандар Тараз қаласы, 15-шағын аудан (Сүлейменов көшесінің соңы) мекенжайында орналасқан, барлығы 201 пәтер.
Несиелер 10% бастапқы жарнамен 2% (2,0%-дан 2,1%-ға дейін GESV) және жылдық 5% (GESV 5,2%-дан 5,8%-ға дейін) мөлшерлемемен беріледі. Несие мерзімі 20 жылға дейін болады.
2024 жылға арналған ипотекалық бағдарламаларды іске асыру барысы туралы:
«Жаңа тұжырымдама» бағдарламасы аясында биыл 117 азамат пәтерге ие болды.
2024 жылға «Жаңа Концепция» бағдарламасы аясында 10% бастапқы жарнамен 1 500 000 теңгеге дейінгі сомаға тұрғын үй сертификатына 200 000 000 бөлінді. .