Үлгілі ауылдық округінің дамуы
Үлгілі ауылдық округінің аумағы 9008,6 га. 2024 жылдың 1 қаңтарындағы жағдай бойынша жалпы аула саны – 512, халық саны – 3242 адамды құрайды.
Мемлекеттік көрсетілетін қызметтер тізіліміне сәйкес, ауылдық округі әкімінің аппараты 5 мемлекеттік көрсетілетін қызметтердің түрін көрсетеді.
2023 жыл бойына АӘК жәрдемақысына 27 отбасының өтініштері қабылданды. 27 отбасының 168 адамына 13 млн. 762 мың 266 теңгеге тағайындалып, толығымен төленді.
2023 жыл бойына жергілікті салықтар бойынша жоспарланған 8 млн. 884 мың теңгенің, 8 млн. 969 мың теңгесі түсіп, жалпы орындалуы 101 % пайызды құрады.
Салынған айыппұл саны - 3, сомасы 34,5 мың теңге.
Ауылдық округтің жер көлемі 3014,0 га егістік жер болса, оның 594,0 га суармалы, 2420,0 га тәлімі жер. 2023 жылы 340 шаруа қожалығы тіркеліп егін және мал шаруашылығымен айналысуда. 2023 жылы 500 гектарға күздік бидай, 930 гектарға арпа, 70 гектарға жүгері, 30 гектарға картоп, 100 гектарға қант қызылшасы, 190 гектарға көкөніс, 50 гектарға бақша, 350 гектарға жаңа жоңышқа егіліп, тиісті өнім алынуда.
Үлгілі ауылдық округінде жалпы жайылым жер бүгінгі күнге 4458,8 га, ал елді мекендегі жайылым жер көлемі 187,7 га, мал басына шаққанда қажетті жайылым жер көлемі 1288 га, жайылым жердің жетіспеушілігі 1100,3 га, осы мәселені шешу үшін округтің қызмет көрсету аумағында бос жатқан жер учаскелерін түгендеп, нақты шекарасын бекіту жұмыстары жүргізіліп жатыр.
2023 жылы қой, ешкі - 20654 бас (+4554), МІҚ – 2677 бас (+507), жылқы – 1180 бас (+400), үй құстары – 12780 бас (+10).
Ауылдық округте Үлгілі орта мектебі жұмыс істейді. 70 мұғалім, 700 бала, даярлық тобында 50 бала бар.
1962 жылы салынған 150 орындық Үлгілі ауылдық клубы бар. Кітапханада (қазіргі уақытта ауылдық клубта) цифрландырылған ақпараттық орталық тұрғындарға тұрақты қызмет көрсетуде.
Спорттық нысан - 4, спортпен шұғылданушылардың саны 1228 (37,8 %).
Спорттық үйірмелер саны – 6 (волейбол, теңбіл доп, кикбоксинг, қазақша күрес, шахмат, асық ату).
2023 жылы тіркелген қылмыс - 3, ашылмаған - 3, оның ішінде, бөтеннің мүлкін ұрлау-1, ауыр жарақат -1, нашақорлық-1.
Құқық бұзушылық пен мал ұрлығының алдын алу үшін Байзақ ауылында 2 бейне бақылау камерасы орнатылған.
2023 жылы тұрмысы төмен отбасы, Урмагамбетова Зибираның үйіне «Асарлатып үй салу» жобасы аясында ауыл белсенділерінің атсалысуымен 4 бөлмелі тұрғын үйінің ішкі және сыртқы құрылыс жұмыстарына көмектесіп, пайдалануға берілді.
Биылғы жыл басынан «Асарлатып үй салу» жобасы аясында тұрмыс жағдайы төмен, отбасында мүгедегі бар, көпбалалы жанұя Жумалиев Русланның отбасына жаңадан 4 бөлмелі үйдің құрылысы салынып жатыр.
2023 жылы Үлгілі ауылының Қ.Исмайлов көшесінің 3,4-бұрылыстары, Жақыпбай көшесінің 3,6-бұрылыстары, Старая мельница, МТФ көшелері, Қ.Исмайлов көшесінен МТФ көшесінің бұрылысына дейінгі жол, Қ.Исмайлов көшесінің бұрылысы, Қ.Исмайлов көшесі мен Жақыпбай көшесінің аралық жолдары 75 млн. 647 мың теңгеге орта жөндеуден өтті.