Дауыс берушілер қазақы дәмнен ауыз тиді
Тараз қаласындағы №28 дауыс беру учаскесінде дәл қазіргі сәтте тіркелген дауыс берушілер белсенді түрде өз таңдауын жасап жатыр, деп хабарлайды zhambylokq.kz
Еске сала кетейік, референдум қарсаңында дауыс берушілер құрметіне түрлі іс-шаралар өткізу жоспарланған. Осы орайда Абай даңғылы 138 мекенжайында орналасқан №28 дауыс беру учаскесіне келушілерге арнап әжелер қауымы арнайы шашу шашып, ұлттық дәстүрді ұлықтады.
Қазақы дәстүрді жаңғыртып жүрген әжелер ән, шашу шашып, келушілерге бауырсақ үлестірді.
Айта кетейік, өңірімізде таңғы сағат 7:00-лен бастап дауыс беруге арналған 508 референдум учаскесі өз жұмысын бастады.