38 647 КӘСІПКЕРГЕ 154,5 МЛРД ТЕҢГЕ НЕСИЕ БЕРІЛДІ
Облыста орналасқан қаржы институттарымен несие сомасы 154,5 млрд теңгені құрайтын барлығы 38 647 кәсіпкерге несие берілді.
Берілген несиелердің 40,1 млрд теңгені құрайтын 1 766 жобасы мемлекеттік бағдарламалар шеңберінде жүзеге асырылды. Республикалық бюджет есебінен 1 жобаға 830,0 млн теңге қаражат бөлінді («Qazaq Soda» ЖШС су тарту құрылысына – 830,0 млн.тенге). «Гранттық қаржыландыру» құралы бойынша 21,0 млн теңгеге 6 жоба қаржыландырылды. Бұл туралы Өңірлік коммуникациялар қызметінің ақпарат алаңында Жамбыл облыстық кәсіпкерлік және индустриалды-инновациялық дамыту басқармасының басшысы Аспандияр Сейсебаев айтты.