Мойынқұм ауданындағы эпизоотиялық жағдай туралы

Сонымен қатар, кәсіпорын шаруашылық жүргізу құқығындағы коммуналдық мемлекеттік кәсіпорын болғандықтан, мемлекеттік тізілімге енбеген басқа да ауруларға қарсы(хирургиялық көмек, паразитарлық және жұқпалы емес, инвазиялық ауруларды емдеу, дезинфекция, дератизация жұмыстарын ұйымдастыру, т.б.) ақылы қызмет көрсетеді.

     Ауыл шаруашылығы жануарларының төлдерін бірдейлендіру

2024 жылға арналған Ауыл шаруашылығы жануарларының төлдерін бірдейлендіру жұмыстары аудан әкімінің орынбасарымен бекітілген іс-шара жоспарына сәйкес жүргізіліп 106 мың 800 жүз бас төл бірдейлендірудің деректер қорына енгізілі.

Аудан бойынша 12 айда ауыл шаруашылығы жануарларын бірдейлендіру дерекқорында (бұдан әрі - АШЖБ) барлығы 106 мың 800 жүз бас ауыл шаруашылығы жануарлары (33 мың бас ірі қара, 70 мың. бас ұсақ мал, 3 мың 6 жүз бас жылқы, 2 жүз бас түйе малы) тіркелген.

2025 жылдың наурыз айының 15 жұлдызына 3426 бас бұзау, 5713 бас қозы-лақ, 86 бас бота және 978 бас жылқы малы бірдейленіп есепке алынды.

Эпизоотияға қарсы іс-шаралар туралы

Мемлекеттік тапсырыс бойынша 2024 жылға бекітілген жануарлардың аса қауіпті ауруларына қарсы бағытталған ветеринариялық-профилактикалық іс-шаралары 12 (он екі)айлық жоспарға сәйкес өз деңгейінде орындалды. Аса қауіпті ауруларға қарсы егу жұмыстарына 1 млн 725 мың 1 жүз 50 манипуляция жүргізілді.

Жыл басынан бруцеллезге тексеру үшін қан сынамасын алу бойынша 338 мың 5 жүз манипуляция орындалып, диагностикалық тексерулер нәтижесімен бруцеллез ауруы анықталған 63 бас ауыл шаруашылығы жануарлары (мүйізді ірі қара-14 бас, ұсақ мал-49 бас)қолданыстағы Заң аясында санитариялық талаптармен сойылып, кезең кезеңімен қайта өңдеуге жіберілді.

Анықталған ауру ошақтары туралы

Аудан аумағында 2 (екі) ауру түрінен 3 ошақ құтыру-1, бруцеллез-2) анықталып, оларда карантин шаралары қойылып, бүгінгі күнге аурудың көзін жою және сауықтыру жұмыстары толық жүргізілді.

Мойынқұм ауданы аумағында 10 аса қауіпті (Бірлік-2, Қызылтал-2, Мойынқұм-3, Ұланбел округінде-3) «Сібір жарасы» ауруының ошағы тіркелген, барлығы анықталған, Қазақстан Республикасы Ауыл шаруашылығы министрлігінің Жер кадастрының автоматтандырылған ақпараттық жүйесіне енгізіліп, 7 жер теліміне Мемлекеттік актілер рәсімделген. 3 жер (Мойынқұм-1, Ұланбел-2) телімі орман жер қоры аумағындар орналасқандықтан мемлекеттік тіркеу актісі алынған жоқ. Барлығы топографиялық картаға түсірілген. Санитарлық- эпидимилогиялық талаптарға сай қоршалып, асты бетондалып, ескертпе жазулары ілінген. Ошақ орнынан Топырақ сынамалары алынып, зертханаға жолданған (2024 жылдың мамыр айында топырақ сынамалары алынып зертханада тексерілді, нәтижесі теріс).

КҚГҚ-на қарсы шаралар туралы

Конго-Қырым Геморрагиялық Қызбасына қарсы 2024 жылға арналған жоспарға сәйкес аудан аумағында эндемиялық аймаққа енгізілген 14 елді мекенде (Кеңес, Бірлік, Биназар, Назарбеков, Көкжелек, Күшаман, Жамбыл,  Мойынқұм, Қылышбай, Құмөзек, Қарабөгет, Сарыөзек, Кіші қамқалы, Ұланбел) 1 млн 613 мың 872. шаршы метр аулалар мен қора жайлар және барлығы 208 мың 430 бас ауыл шаруашылығы жануарларына үш кезеңдегі залалсыздандыру жұмыстары (аудан әкімдерімен бекітілген кесте бойынша)толығымен жүргізілді.

Дезинфекциялық дәрі-дәрмектерге берілген өтінімге сәйкес облыстық бюджеттен тікелей ауданға барлығы 34 млн. 189 мың теңге  қаражат бөлініп, акарацидтік препараттар сатып алынды.

2025 жылға бұл жұмыстар бойынша дайындық басталды, атап айтатын болсақ аккарацидты препараттарды сатып алуға 47 млн тенге, залалсыздандыру жұмыстарын жүргізуге 25 млн тенге қаражат бөлінді.

Жануарларға жауапкершілікпен қарау Заңы туралы

Қазақстан Республикасының 2021 жылғы 30 желтоқсандағы «Жануарларға жауапкершілікпен қарау туралы» № 97-VII Заңы аясында қабылданған нормативтік құқықтық актілерге сәйкес Аудан аумағында жануарларды есепке алу «Ит қор» ақпараттық жүйесіне 800-ге жуық ит есепке алынды, 94 бас ит мен мысыққа кастрация жасалды. Бұл жұмыстар жалғаса беретін болады.

Жергілікті тұрғындардан және ауыл әкімдерінен иесіз жануарларды аулау бойынша түскен хабарламаларға сәйкес 789 қаңғыбас иттер мен мысықтар ауланып, жойылды.

Ветеринария саласының ветеринариялық нысандары туралы

Ветеринариялық станциялар шаруашылық жүргізу құқығындағы кәсіпорындар болғандықтан мемлекеттік тапсырыстан тыс ақылы қызмет (жұқпалы емес және инвазиялық ауруларды емдеу, хирургиялық көмек көрсету)көрсете алады. Бұл бағытта ветеринар мамандары мен мал иелерінің уақытын үнемдеу, ветеринариялық көмекті дер кезінде көрсету мақсатында аудандар және ауылдық округтер аумағында 1 клиника мен 2 аптекалар ашылды. 2024 жылы Мойынқұм аудандық ветеринария бөлімі ақылы қызмет түрінен 2 млн-ға жуық қаражат тауып, бөлімге керекті құрал-жабдықтар сатып алынды.

Аудандық ветеринариялық бөлімі қызметтік ғимаратпен қамтылған және 16 ауылдық округтің 8 ауылдық округінде ветеринариялық пунктпен қамтылған, ағымдағы жылы 4 ауылдық округтен (Биназар, Бірлік, Жамбыл, Қызылотау) стандартқа сай типтік үлгідегі (ветеринариялық пункт, мал емдеу загон, мал тоғытпасы) ветеринариялық пункт құрылысы жоспарлануда. 2024 жылы Бірлік ауылдық округінен 10 млн тенгеге аудандық бюджет есебінен уақ малдарды тоғыту орны салынды. Аталған нысандарды биыл Қылышбай ауылынан салу жоспарлануда. Кенес, Бірлік, Назарбеков, Кокжелек, Биназар, Шығанақ, Қылышбай ауылдарынан ауылшаруашылық малдарын топтастырып емдеуге арналған қоралар (загон, раскол) салынып, пайдануға берілді.

Сонымен қоса, ауылдық округтер аумағында орналасқан залалсыздандыруға арналған 2 биотермиялық «Беккер» шұңқырлары бар. Қосымша аудандық бюджет есебінен 2024 жылы 4 (Биназар, Шығанақ, Қарабөгет, Ұланбел) биотермиялық шұңқыр салынып, пайдалануға берілді.

 Аудандағы ветеринариялық станциялары және құрамындағы ветеринариялық пункттердің материалдық-техникалық базасын жаңарту бағытында жұмыстар атқарылуда. Атап айтатын болсақ, 2023 жылдың қазан айында  аудандық ветстанцияға қосымша тағы 1 УАЗ автокөлікпен қамтылды. 2025 жылы 5 дана Нива автокөлігімен, жәнеде 16 дана термочемоданмен қамту жоспарлануда. Ветеринар мамандарының жұмысын оңтайландыру және уақытын үнемдеу үшін «E-ISZH» ақпараттық жүйесі енгізілген 16 дана заманауи планшеттермен қамтамасыз ету жоспарлануда.