200 МЫҢНАН АСТАМ ҮЙДІ ЖАРЫҚПЕН ҚАМТИТЫН САРЫСУДАҒЫ ЖЕЛ СТАНЦИЯСЫ
Жамбыл облысының Сарысу ауданында қуаты 100 мегаватт болатын «Шоқпар Жел Электрстанциясы» жұмыс істейді. Жоба меншік иелері – Visor International DMCC және China Power International Holding Limited (CPIH) құрылтайшылары болып табылатын «Шоқпар Жел Электрстанциясы» ЖШС.
Электр станция 2023 жылы іске қосылды. Жылдық өндіріс көлемі – 350 миллион кВт/сағат, бұл 200 мыңнан астам үй шаруашылығының электр энергиясына деген қажеттілігін қамтамасыз етеді.
Жобаны іске асыруға шамамен 150 миллион АҚШ доллары көлемінде инвестиция салынды. Қазіргі уақытта кәсіпорында 20 қызметкер еңбек етеді, олардың 18-і – Қазақстан азаматтары, 2-і – Қытай Халық Республикасының мамандары.
Экологиялық тұрғыда жоба жыл сайын 109,5 мың тонна көмірді үнемдейді, көмірқышқыл газының шығарындыларын 289 мың тоннаға, күкірт диоксидін 1031 тоннаға, азот оксидтерін 934 тоннаға, түтін мен шаңды 322 тоннаға, шлак пен күлді 32 900 тоннаға азайтады.
Жоба Қазақстанның оңтүстігінде энергия тапшылығын төмендетуге және өңірдің тұрақты дамуына ықпал етеді.