«МӘМС жүйесі енгізілгелі бері өңір тұрғындарына жоғары технологиялық және сапалы медициналық көмек қолжетімді бола түсті. Денсаулық сақтау ұйымдарын қаржыландыру көлемі жыл сайын артып келеді», – деді Ғ. Аймағанбетов.

Негізгі көрсеткіштер:

• 2025 жылы денсаулық сақтау саласына 132,6 млрд теңге бөлінді (2024 жылмен салыстырғанда +2,8%).
• Облыста 109 медициналық ұйым қызмет көрсетеді (38 мемлекеттік, 71 жеке).
• Жоғары технологиялық көмекке 2 млрд теңге бағытталып, 1 391 күрделі операция жасалды.
• «Аңсаған сәби» бағдарламасы аясында 150 ЭКО қызметі көрсетіліп, облыста 350-ден астам бала дүниеге келді.
• Медициналық оңалтуға 4,6 млрд теңге бөлінді (2019 жылмен салыстырғанда 7,3 есе көп).
• Амбулаториялық дәрі-дәрмекпен қамтуға 2025 жылы 11,8 млрд теңге бөлініп, 662 993 рецепт орындалды.

МӘМС жүйесіндегі жаңалықтар:

• Әлеуметтік әл-ауқаты төмен және ресми жұмыссыз азаматтар үшін жарналарды енді жергілікті бюджет төлейді.
• Сақтандыру мәртебесін сақтау мерзімі – 6 айға дейін ұзартылды.
• Қазіргі таңда облыс халқының 80,8%-ы (952 мың адам) сақтандырылған.
  2026 жылдан бастап онкоскринингтер мен ауыр ауруларды ерте анықтау тегін жүргізіледі. Бұл шара ТМККК тізіміне енгізіліп, сақтандыру мәртебесіне қарамастан барша азаматтарға қолжетімді болады.

Байланыс:
«Әлеуметтік медициналық сақтандыру қоры» КЕАҚ
Жамбыл облысы бойынша филиалы
Тел.: +7 777 092 4858| E-mail: info.zhambyl@fms.kz