ЖАМБЫЛ ОБЛЫСЫНДА ТАРИХИ КҮН: 3 ЗАУЫТ ІСКЕ ҚОСЫЛДЫ, 1 ЗАУЫТҚА ҚАЗЫҚ ҚАҒЫЛДЫ
Жамбыл облысында жаңа индустриялық серпін: энергетика, өңдеу өнеркәсібі және шағын индустрия кешені дамуда
Жамбыл облысында өңірдің индустриялық және аграрлық әлеуетін арттыруға бағытталған бірқатар ірі жобалар іске қосылды. «Жамбыл Invest: жаңа жобалар – жаңа жұмыс орындары» республикалық баспасөз туры аясында облыс әкімі Ербол Қарашөкеев энергетика, агроөнеркәсіп және өңдеу саласындағы маңызды нысандардың ашылуына қатысты.
Әулиекөлде қуаты 50 МВт бу-газ электр станциясының құрылысы басталды
«GES Мырзатай» ЖШС жобасының құны – 60 млн АҚШ доллары. Бірінші кезеңде 50 МВт станция салынып, екінші кезеңде қуаттылық 200 МВт-қа дейін жеткізіледі.
Негізгі жұмыстар:
7 га жер бөлінді;
инженерлік іздестіру, жобалау жүргізілуде;
185 м тереңдікте ұңғыма бұрғыланды;
газбен жабдықтау бойынша техникалық шарттар рәсімделді;
құрылысқа 500 адам қатысады, іске қосылғанда 80 жұмыс орны ашылады.
Бүгінде облыста жалпы қуаты 1721,3 МВт болатын 24 энергетикалық нысан бар. 2025 жылдың 10 айында өңір 3,6 млрд кВтсағ электр өндіріп, бұл өткен жылмен салыстырғанда 21% жоғары.
Қазақстандағы екінші ірі құс етін өңдеу зауыты іске қосылды
«Алель Агро» АҚ Жамбыл филиалында жылына 70 мың тонна құс етін өндіретін зауыт жұмысын бастады. Инвестиция көлемі – 19,8 млрд теңге.
Компанияның артықшылықтары:
толық өндірістік цикл;
халықаралық стандарттарға сай жабдық;
сапаны тұрақты бақылау.
Даму кезеңдері:
2019 – филиал құрылды
2020 – 10 мың т ет кешені
2021 – екі бройлер фабрикасы
2022 – 84 мың т құрамажем зауыты
2023 – 13,5 млн балапан инкубаторы
2024–2028 – қуатты 69 мың т деңгейіне жеткізетін жаңа фабрикалар
2025 жылдың 9 айында облыстан 3 327,4 т ет және 421 т шұжық экспортталды. Оның ішінде:
құс еті – 1 721,5 т, сиыр – 675,1 т, қой – 1 188,7 т, жылқы – 0,3 т, ішкі өнімдер – 760,9 т.
Өнім Қырғызстан, Катар, Кувейт, БАӘ, Ресей, Сауд Арабиясы, Иран және Германияға экспортталды.
«Тараз» индустриялық аймағында 70 мың тонна әк өндіретін зауыт ашылды
«KazGeoEnergy» ЖШС іске асырған жобаның құны – 2 млрд теңге, 100 жұмыс орны ашылды.
Бұл – өңірдегі 1-сыныпты әк шығаратын жалғыз кәсіпорын.
Артықшылықтары:
жеке карьер;
Siemens AG мониторинг жүйесі;
толық автоматтандырылған өндіріс.
Өнім құрылыс, металлургия, химия және азық-түлік өндірісінде кеңінен қолданылады.
Алғашқы шағын өнеркәсіптік аймақ – «Тараз»
«I Cons» ЖШС бастамасымен «Тараз» индустриялық аймағында облыстағы алғашқы шағын өнеркәсіптік аймақ іске қосылды.
Негізгі мәліметтер:
10 000 м² аумағында 4 өндірістік корпус;
шыңдалған шыны, фиброцемент плиталары, есік өнімдері өндіріледі;
өнімге сұраныс жоғары (BI Group және т.б.);
қуаты: фиброцемент – 140 мың м²/жыл, есік – 200 мың дана/жыл;
100 жұмыс орны ашылды.
2025 жылдың III тоқсанында толық аяқталып, толық іске қосылды.
Өңір өнеркәсібі рекорд жаңартты
2025 жылдың қаңтар–қазанында облыста 1 трлн теңгенің өнімі өндіріліп, Жамбыл облысы республика бойынша бірінші орынға шықты.
Бұл көрсеткішке 919 кәсіпорында еңбек ететін 41 мың адамның еңбегі арқасында қол жеткізілді.