Қазақстан Республикасының Президенті Қасым-Жомарт Тоқаев атап өткендей, цифрлық технологиялар дәуірінде жасанды интеллект қоғам дамуының маңызды қозғаушы күшіне айналуда. Осы бағытта ұлттық әдеби мұраны заманауи тәсілдер арқылы насихаттау – уақыт талабы.  

Жасанды интеллект мүмкіндіктерін қолдана отырып, Мұхтар Әуезовтің «Абай жолы», Дулат Исабековтің «Гауһартас», «Бекет» повесі, Бердібек Соқпақбаевтың «Балалық шаққа саяхат» повесі, Әзілхан Нұршайықовтың «Махаббат, қызық мол жылдар» романы, Мағжан Жұмабаевтың «Мен жастарға сенемін» өлеңі, Оралхан Бөкейдің «Қар қызы», Оралхан Дәуіттің «Ақ самаурын», Марат Құлибайұлының «Қолқанат», Зейнел Жекейұлының «Тұлпар тағдыр» шығармалары көркем бейнеленіп, оқырман назарына ұсынылды.

Жамбыл Жабаевтың «Жыр алыбы – өз үнімен…» тақырыбында бейнеролик дайындалып, «Мақал-мәтелді тап!» атты танымдық бейнематериал ұсынылды. Аталған жұмыстар арқылы қазақ халқының даналық сөздерін насихаттауға ерекше көңіл бөлінді.

14 наурыз – Көрісу күніне орай мерекелік құттықтау, ал 19 наурыз – Жаңару күніне орай арнайы бейнеролик жолданды.

22 наурыз – Ұлыстың ұлы күніне орай орталық алаңда жасақталған киіз үйде «Туған жер – тұғырың, туған ел – қыдырың» атты жасанды интеллект көмегімен кітап көрмесін ұйымдастырдық. Көрме барысында туған жер тақырыбындағы шығармалар кеңінен насихатталып, жасанды интеллект мүмкіндіктері арқылы кітап мазмұны заманауи форматта ұсынылды.