Қабылдау 2026 жылғы 1 сәуірден 1 маусымға дейін, яғни небәрі 2 ай ішінде жүзеге асырылады. Құжаттар толықтай онлайн форматта admission.apa.kz платформасы арқылы қабылданады. Бұл үміткерлер үшін уақытты үнемдеуге және процесті жеңілдетуге мүмкіндік береді.

Биыл білім беру бағдарламаларының саны да артты — енді талапкерлер 15 бағдарлама бойынша оқуға түсе алады (бұрын 12 болған). Жаңа бағыттар қатарында:
– EMBA – Іскерлік әкімшілендіру
– DDPA – Цифрлық мемлекеттік басқару

Сонымен қатар, бірқатар бағдарламалардың оқу мерзімі өзгерді. Атап айтқанда, «Мемлекеттік саясат», «Халықаралық қатынастар», «Экономика» бағдарламалары 1,5 жылдан 2 жылға дейін ұзартылды. Ал «Өңірлік даму» және «Адами ресурстарды басқару» бағыттары 1 жылдан 1,5 жылға дейін көбейтілді. «Адами ресурстарды басқару» бағдарламасы жаңартылып, «Адами ресурстарды стратегиялық басқару» атауына ие болды.

Академияда оқу форматы да икемді. Қызметіңізді жалғастыра отырып білім алуға мүмкіндік беретін модульдік бағдарламалар қарастырылған. Бұл формат бойынша оқу мерзімі — 1 жыл. Ал классикалық магистратура 1–2 жыл, докторантура 3 жыл оқытылады.

Іріктеу кезеңдері де нақты белгіленген:
– 5–7 маусым — аналитикалық эссе жазу
– 5–19 маусым — сұхбат кезеңі
– 25 маусым — алдын ала қабылдау
– 10 шілде — қорытынды қабылдау

Айта кету керек, сұхбат қазақ, орыс және ағылшын тілдерінде өткізіледі және үміткердің кәсіби әрі жеке құзыреттері бағаланады. Докторантураға түсушілер үшін қосымша research proposal қорғау кезеңі қарастырылған.

Жаңа талаптардың бірі — кейбір бағдарламаларға (мысалы, «Мемлекеттік саясат») түсу үшін ағылшын тілін меңгергенін растайтын халықаралық сертификат міндетті. Сонымен қатар, үміткерлердің функционалдық еңбек өтілі арнайы комиссия арқылы анықталады.

Жаңа оқу жылы дәстүрлі түрде 1 қыркүйекте басталады.

Академия — бұл мемлекеттік басқару жүйесінде кәсіби өсуді көздейтін мамандар үшін нақты мүмкіндік.
200 грант, 15 бағдарлама, 2 ай уақыт — шешім қабылдау өз қолыңызда.
Бір қадам жасап, жаңа деңгейге көтеріліңіз!