Бүгін ҚР Ұлттық ұланы 5513 әскери бөлімінің 42 сарбазына «Оңтүстік Қазақстан Мемлекеттік педагогикалық университетіне» оқуға түсуге мүмкіндік беретін сертификаттар табысталды. Салтанатты шараға облыстық білім басқармасы басшысының орынбасары Нысанбаев Мұхит Аманқұлұлы қатысты. Айта кетейік, 2022 жылдың 25 қазанында ҚР Қорғаныс Министрі «Азаматтардың әскери-патриоттық тәрбиелеу саласында жоғары білім ұйымдарымен ынтымақтастық туралы» келісімге қол жеткізді. Нәтижесінде, еліміздегі бірқатар әскери бөлімдердің сарбаздары Отан алдындағы борышын өтеп қана қоймай, жоғары оқу орнына грант иеленуде.