2023 жылдың 14 желтоқсанында Жамбыл облысы ТЖД Күштер мен Құралдарды жедел басқару орталығының «101» телефон нөміріне төмендегідей өрт оқиғалары бойынша шақыртулар түсті.

Сарысу ауданы, Жаңатас қаласы, Бүркітті елді мекеніндегі тұрғын үйдің кіре-беріс бөлмесінде тұрмыстық заттар өртенген. Оқиға орнына өрт сөндіру бөлімінен 2 бірлік өрт сөндіру автокөлігі және 5 адам жеке құрам жедел шықты. Оқиға орнында 1 газ-түтінен қорғау қызметінің буыны тиісті өрт сөндіру жұмыстарын атқарды.

Шу ауданы, Қонаев ауылындағы тұрғынүйдің ауласында орналасқан қора өртке оранған. Оқиға орнына өрт сөндіру бөлімінен 1 бірлік өрт сөндіру автокөлігі және 3 адам жеке құрам жедел шығып, өртті жартты сағаттан астам уақытта жойды. Алайда, өрт салдарынан қора және ішінде жиналған 100 түк (2 тонна) шөп жойылды.

Тараз қаласындағы тұрғынүйдің ауласында орналасқан сарайдың шатыры өртке оранған. Оқиға орнына өрт сөндіру бөлімінен 2 бірлік өрт сөндіру автокөлігі және 8 адам жеке құрам, сондай–ақ Медициналық аппатар орталығының қызметкерлері жедел шықты

Шу ауданы, Тасөткел а/о қарасты, Аспара бекетіндегі тұрғынүйдің жатын бөлмесінде өрт туындаған. Шақырту орнына барлығы 2 бірлік өрт сөндіру автокөлігі мен 5 адам жеке құрам шығып, өртті жартты сағаттан астам уақытта жойды.

Қордай ауданы, Қордай ауылында орналасқан тұрғынүйдің ауласындағы сарай өртке оранған. Оқиға орнына өрт сөндіру бөлімінен 1 бірлік өрт сөндіру автокөлігі және 3 адам жеке құрам шығып, қызыл жалынды 43 минутта жойды..

Жамбыл ауданы, Аса ауылындағы тұрғынүйдің пеш орналасқан бөлмесіндегі пеш мұржасының ағаш балкісі өртенген. Оқиға орнына өрт сөндіру бөлімінен 1 бірлік өрт сөндіру автокөлігі және 4 адам жеке құрам жедел шығып, өртті 10 минутта жойған.

Тараз қаласы, Аэропорт көшесінің бойындағы авто тұрақта тұрған жеңіл автокөліктің өртке оранған . Оқиға орнына 2 бірлік өрт сөндіру автокөлігі және 9 адам жеке құрам, сондай-ақ Медициналық апаттар орталығының қызметкерлері жедел шыққан. Өрт салдарынан жеңіл автокөлік жойылды.

Тараз қаласы, Асқаров көшесінде жол бойында тұрған жеңіл автокөліктің өртке оранған. Оқиға орнына 2 бірлік өрт сөндіру автокөлігі және 8 адам жеке құрам, сондай-ақ Медициналық апаттар орталығының қызметкерлері жедел шыққан. Өрт салдарынан жеңіл автокөлік жойылды. Сондай-ақ, облыстың өрт сөндіруші-құтқарушылары тәулік ішінде түтіннен тазарту жұмыстарына - 2 рет, электр сымдарының қысқа тұйықталу жағдайларына -1 рет, тұрғынүйлердің құлыпталып қалған есіктерін ашу жұмыстарына- 1 рет , жануарларды құтқару жұмыстарына - 4 рет шығып, көмек көрсетті.

Сонымен қатар Жамбыл облысы ТЖД құтқарушылары облыстағы ауа-райының қолайсыз кезеңдерінде, яғни соңғы 3 тәулікте 4000-нан астам адамдарды қарлы боран құрсауынан құтқарды. Авариялық-құтқару жұмыстары одан әрі жалғасуда.

Құрметті облыс және қала тұрғындары мен қонақтары! Ауа-райының қолайсыз кезеңдерінде алыс сапарға шығуды мүмкіндігінше кейінге қалдырған жөн екендігін ескертеміз! Әрқашан ауа-райы туралы хабарламаларға назар аудауды сұраймыз. Жамбыл облысының ТЖ департаменті жылыту маусымында газ және пеш аспаптарын пайдалану кезінде қауіпсіздік ережелерін сақтауға шақырады. Өрт немесе төтенше жағдай туындағанда "101" және "112"телефон нөмірлеріне қоңырау шалу қажет.