Әлеуметтік саласы бойынша округ аумағанда жалпы 13 нысан қызмет жасауда. Атап айтқанда әкімшілік ғимарат -1, білім саласында - 6, денсаулықта -3, ветеринариялық пункт-1, мал сою алаңы-1, биотермиялық шұңқыр-1, пошта байланыс-1.

Бүгінгі күні округ аумағында Айшабибі  орта мектебі - 640 орын, 2022-2023 оқу жылында 780 оқушы білім алды, оның 39 оқушысы 11 сыныпты аяқтады, 26 оқушы білім гранты иегері атанды. 2023-2024 оқу жылында 790 оқушы білім алуда, оның 49 оқушысы 11 сынып оқушылары. Мектепте 88 мұғалім жұмыс жасайды.

№7 орта мектебі – 300 орын. 2022-2023 оқу жылында 380 оқушы білім алды, оның 39 оқушысы 11 сыныпты аяқтады, 17 оқушы білім гранты иегері атанды. 2023-2024 оқу жылында 372 оқушы білім алуда, оның 12 оқушысы 11 сынып оқушылары. Мектепте 47 мұғалім жұмыс жасайды.

Т.Рысқұлов орта мектебі - 120 орын 2022-2023 оқу жылында 159 оқушы білім алды, оның 5 оқушысы 11 сыныпты аяқтады, 4 оқушы білім гранты иегері атанды. 2023-2024 оқу жылында 159 оқушы білім алуда, оның 9 оқушысы 11 сынып оқушылары. Мектепте 41  мұғалім жұмыс жасайды.

Әулиекөл бастауыш мектебі - 20 орын. Бұдан бөлек 140 орындық «Қарлығаш»  бөбекжайы, жауапкершілігі шектеулі серіктестігімен ашылған 75 орындық «Ақжүрек» бала бақшасы және 50 орындық шағын орталық мектепке дейінгі тәрбие беруде.

Сонымен қатар денсаулық саласында Айшабибі ауылында 2014 жылы пайдалануға берілген 4 төсекке арналған дәрігерлік амбулатория, Қаратау ауылында 2013 жылы пайдалануға берілген 4-5 адам қабылдауға арналған медициналық пункт, Әулиекөл ауылында 2019 жылы пайдалануға берілген 4-5 адам қабылдауға арналған медициналық пункт.

Айшабибі ауылдық округінде Айшабибі мәдениет үйі бар. Мәдениет үйінде би, күрес, ақындыққа баулу үйірмелері бар. Айшабибі ауылындағы кітапханасында - 9606 кітап, оның ішінде - 4711 дана қазақ тіліндегі кітап қорымен жабдықталған, оқырман -900. «Цифрлы Қазақстан» бағдарламасы аясында Айшабибі ауылдық кітапханасы жаңынан цифрландырылған ақпараттық орталық ашылған.

Округ аумағында ірі «Азия Газ» компрессорлық станциясы, «АЭК-АСА» күн электр станциясы, «Суперфарм» ЖШС, 3 құм-шағал өндіру карьерлері, 1 кірпіш зауыты, 1 асфальт зауыты, 4 жанар-жағар май станциясы мен 38 шағын кәсіпкерлік нысандары жұмыс атқарады.

Спорт нысандарына кіру тегін арнайы кесте бекітіліп жастардың спортпен шұғылдануына барынша жағдай жасалған.

Айшабибі ауылдық округі бойынша барлық аула толық газбен қамтылған.

Елді мекенде барлығы 278 шаруа қожалығы тіркелген.

Жер көлемі 65544 га, (оның ішінде, ауыл шаруашылығы жерлері – 47359, оның ішінде: егістік – 8220 га, суармалы – 4537 га, суарылмайтын – 3507 га.) жайылымдық –37961 га, елді мекен жерлері – 3095 га., өзге жерлер – 135,83 га))