Ішкі істер органдарындағы цифрландыру жұмыстың тиімділігін арттыру, көрсетілетін қызметтердің сапасын жақсарту және азаматтардың қауіпсіздігін қамтамасыз ету мақсатында Заманауи ақпараттық-коммуникациялық технологияларды енгізуге бағытталған іс-шаралар кешенін білдіреді.

Іске асырылған жобаларға тоқталайық.

«Жаппай бейнебақылау» жобасы - полицияның қызметтік үй-жайларында, сондай-ақ халықпен өзара іс-қимылды жүзеге асыратын құқық қорғау органдарының барлық жедел-тергеу бөлімшелерінде - бұл тәулік бойы мониторинг жүргізу, камералардан бейнедеректерді жазу және сақтау, ашықтық пен бақылауды арттыру үшін бейнебақылау жүйелерін орнату. Осы жоба аясында 1 мың 929 бейнебақылау камерасы орнатылды.

«Кілемді жабын» жобасы

«Кілемді жабын» бейнебақылау жобасы көшелер, саябақтар, алаңдар, көлік тораптары және басқа да қоғамдық орындарды қоса алғанда, барлық маңызды объектілер мен аумақтарға мониторинг жүргізуді қамтамасыз ететін бейнекамералардың кең ауқымды желісін орнатуды көздейді.

Қала аумағында полиция департаментінің жедел басқару орталығына бейнені шығаруды ұйымдастырумен 1 мың 860 бейнебақылау камерасы орнатылған.

Дабыл түймелері

«SOS дабыл түймесі» пайдаланушыға жедел көмекке жүгінуге мүмкіндік береді, бұл оны жеке қауіпсіздікті қамтамасыз етудің маңызды құралы етеді. Бұл мүмкіндік жедел қызметтерге жедел қоңырау шалу немесе жақын адамдарыңызға қауіпті жағдай туралы хабарлау, орналасқан жерді бақылау мүмкіндігі бар.

Осы жобаны іске асыру мақсатында қала аумағында 10 SOS дабыл түймесі орнатылды.

«Бұлтты бейнебақылау» жобасы

Бұлтты бейнебақылау жобасы пайдаланушыларға жоғары сапалы бейнебақылауды, деректерге оңай қол жеткізуді және жүйені масштабтау мүмкіндіктерін ұсынатын заманауи қауіпсіздік шешімі болып табылады.

«Қазақтелеком» АҚ «Бұлтты бейнебақылау» бағдарламасы аясында қала бойынша көппәтерлі тұрғын үйлердің кіреберістерінде 2 мың 280 бейнебақылау камерасы орнатылды, олардың бейнесі ПД ЖБО-да көрсетілген.

«Цифрлық полицей» жобасы

         «Цифрлық полиция» жобасы - бұл үлкен деректерді талдау, нақты уақыттағы мониторинг, үлкен ақпарат массивтерімен жұмыс істеу және онлайн платформалар арқылы азаматтармен өзара әрекеттесу жүйелері сияқты құқық қорғау органдарының күнделікті қызметіне цифрлық шешімдерді біріктіру.

         Смартфондар базасындағы 968 бірлік бейнетіркегіштермен Жамбыл облысы ПД барлық құзыретті қызметтері жабдықталған.

«Қорғау» мобильді қосымшасы

«Қорғау» мобильді қосымшасының жобасы азаматтардың қауіпсіздік деңгейін арттыруға және қауіп төнген жағдайда жедел ден қоюға бағытталған.

Тараз қаласының аумағында «Қорғау» мобильдік қосымшасы патрульдік полиция батальоны қызметкерлерінің 200 планшетінде орнатылған және осы бағытта жұмыс толық көлемде жүргізілуде.

Жасанды интеллект көмегімен бейне аналитиканы енгізу

Бейне аналитика заманауи қауіпсіздік жүйелерінің ажырамас компоненттеріне айналуда. Оларды ішкі істер органдарына енгізу құқық қорғау органдары жұмысының тиімділігін арттыру, қоғамдық қауіпсіздікті жақсарту және оқиғаларға жедел ден қою үшін жаңа мүмкіндіктер ашады. Бейне аналитика нақты уақыттағы бейнелерді өңдеуге және талдауға, ауытқулар мен күдікті әрекеттерді анықтауға және одан әрі тергеу үшін пайдаланылуы мүмкін деректерді беруге мүмкіндік береді.

Ішкі істер органдарында цифрландыру олардың тиімділігін арттыру үшін қажеттілік қана емес, сонымен қатар азаматтардың қауіпсіздігін қамтамасыз етудегі маңызды қадам болып табылады. Жаңа технологияларды енгізу жан-жақты көзқарас пен үлкен күш-жігерді қажет етеді, бірақ олардың пайдасы бұл шығындарды ақтайды. Цифрлық жүйелерді дамытуды және жетілдіруді жалғастыру маңызды, олар туындауы мүмкін сын-қатерлерді ескере отырып және деректер мен азаматтардың құқықтарын қорғаудың жоғары дәрежесін қамтамасыз етеді.