27 наурыз күні Ш.Уәлиханов атындағы Жамбыл облыстық әмбебап ғылыми кітапхана директоры Абдинова Эльмира Елеусізқызы «Кітапхана және оқырман» тақырыбында Жамбыл облыстық мемлекеттік кітапханаларының қызметі туралы жалпы ақпарат береді.
Жамбыл облыстық мемлекеттік кітапханаларынның негізгі көрсеткіші және жұмыс жоспары жайлы жалпы қамтыды. Бүгінгі таңда Жамбыл облысында 275 мемлекеттік кітапхана өңір тұрғындарына ақпараттық-мәдени қызмет көрсетеді. Оның ішінде облыстық – 3, қалалық - 17, аудандық - 255.
Оның ішінде Кітап қоры жалпы (2025 жылдың 2 ай есебі бойынша) Облыс кітапханаларында кітап қорын толықтыру жұмысы жылдан жылға ілгерілеп келеді. Кітап қоры жергілікі бюджет, мемлекеттік тапсырыс, сый кітаптармен толығады. Жалпы облыс кітапханаларының кітап қорына 2024 жылы 76 497 дана (68 031 – мемлекеттік тілде) кітап келіп түссе, 2025 жылдың 2 ай есебі бойынша 4145 дана (3553 – мемлекеттік тілде) келіп түскен. Оның ішінде: облыстық бюджеттен ауылдық кітапханаларға 224 дана (209– мемлекеттік тілде) кітап алынды. 3562 дана - ҚР Мәдениет және спорт министрлігі тарапынан мемлекеттік тапсырыспен шығарылған әдебиеттер.
Кітапханада фандрайзинг технологиясын қолдану, яғни материалдық-техникалық қамтамасыз ету үшін бюджеттен тыс қаражатты демеушілер мен сый берушілерді тарту мақсатында облыс кітапханаларының кітап қорлары 359 дана сый кітаппен толықты.Бүгінгі таңда 275 кітапхананың Интернетке қосылғаны - 274. Оның ішінде 255 ауылдық кітапхана Интернет желісіне қосылған. (Мойынқұм ауданына қарасты Сарыөзек ауылдық кітапханасы қосылмаған, аталған елді мекенде кабельдік байланыс желісі болмағандықтан спутниктік қондырғы орнату мүмкін болмай отыр).
Компьютермен барлық кітапхана толық қамтылған. Облыс бойынша – 1215 компьютер, аудан бойынша - 939. Автоматтандыру бағытында Web-РАБИС, РАБИС, RWБИС, АИС-СБРК, КАБИС бағдарламасының «Каталогтаушы» модулі бойынша барлық 275 кітапхана жұмыс жасайды.
Кітапханалар жанынан 1 бродкастинг залы, 1 релакс аймағы, 1 білім және 29 коворкинг алаңдары жұмыс жасайды. (2024 жылы Тараз қалалық №5 кітапханада, Жуалы ауданы Рысбек батыр, Мойынқұм ауданы Шығанақ ауылдық кітапханаларында коворкинг алаңдары ашылды).
186 цифрландырылған ақпараттық орталықтың 5 – Тараз қаласында орналасқан кітапханалардың жанынан ашылса, қалған 181 – 139 ауылдық округты қамтып отыр. (2024 жылы Мойынқұм ауданы Биназар, Байзақ ауданы Жібек жолы ауылдық кітапханаларында цифрландырылған ақпараттық орталықтары ашылды).
Ақпараттық орталықтарда egov.kz порталындағы 25 қызмет түрлерін алуға мүмкіндік жасалған. Бүгінгі күні орталықтарда ашылған күннен бері 223 111, 2024 жылдық есеп бойынша 51467 анықтама берілді (зейнетақы қоры – 3021, сотталмағандығы туралы – 5992, жылжымайтын мүлікке иелігі туралы – 1527, псих.диспансерлік анықтама – 4762, наркодиспансерлік анықтама – 5021 т.б.).
Ал 2025 жыл басынан бері (2 айда) 10152 анықтама берілді (зейнетақы қоры – 695, сотталмағандығы туралы – 1063, жылжымайтын мүлікке иелігі туралы – 234, псих.диспансерлік анықтама –905, наркодиспансерлік анықтама – 953, т.б.).
Жамбыл облысы мемлекеттік кітапханаларында 82 жоба жүзеге асырылған. Жобалар аясында 493 іс-шара ұйымдастырылып, олар 18345 оқырманды қамтыды.
Соның ішінде: «Қасиетін жоймаған құнды кітаптарды цифрландыру» жобасы енгізіліп, аталмыш жоба аясында кітап қорындағы 1021 дана құнды және сирек кітаптардың сақталуын қамтамасыз ету мақсатында 363 басылым цифрландырылды.«Шоқан асулары» жобасы аясында 47 дана кітап цифрланды.
Кітапхана жергілікті 82 ақын-жазушымен авторлық келісім-шарт жасасу арқылы олардың шығармалары цифрландырып, 183 кітаптың электронды нұсқалары кітапхана сайтына орналастырылды.
Сонымен қатар өлкелік мерзімді басылымдардың сақталуын қамтамасыз ету бағытында жүзеге асырылып отырған «Жамбыл облысы: адамдар, оқиғалар, фактілер» мен «Тарихы терең, еңбегі ерен өлкелік басылымдар» жобалар бар. Бүгінгі күнге дейін аталмыш дерекқорға газет беттерінде жарияланған түрлі тақырыптар аясында 1945 мақаланың электронды нұсқалары жинақталды. Ал «Тарихы терең, еңбегі ерен өлкелік басылымдар» жобасы аясында дерекқорға 21525 газеттің электронды нұсқалары жинақталды.
«ӘУЛИЕАТА – КІТАП ОҚИТЫН ӨҢІР» ЖОБАСЫ:
Жамбыл облысы әкімінің бастамасымен Жамбыл облысында 2025 жыл – кітап оқу жылы болып жарияланып, «Әулиеата – кітап оқитын өңір» жобасы аясында арнайы жұмыс жоспары құрылды.
Жоспарға сәйкес ү.ж. өңірде:
Бауыржан Момышұлының 115 жылдығына орай - «Ел болып оқимыз» жобасы аясында іс-шаралар циклі, «Тау тұлға, дара тұлға – Бауыржан» облыстық байқау (оқырман арасында);
Ұлы Жеңістің 80 жылдығы - «Елі үшін туған ерлер» Мәңгілік полк шеруі облыстық байқау (10 аудан және 1 қалалық кітапхана «Жеңіс» және Т.Рысқұлов атындағы саябақтарында маусым-қыркүйек айларында іс-шаралар өткізеді).
«Жазушымен бір күн» жобасы: ақын Әбу Сәрсенбайұлы - 120 жыл, қаламгер І.Есенберлин – 110 жыл, балалар жазушысы Сансызбай Сарғасқаев - 100 жыл, жазушы Қадыр мырза-Әлі мен абайтанушы жазушы Мекемтас Мырзахметұлының 90 жылдығы, қоғам қайраткері Әлмұхан Исақ, сатирик жазушы Кәрібай Ахметбекұлының 85 жылдық мерейтойлары, ақын Бауыржан Үсенов –65 жыл, ақындар Шырын Мамасерікова Қайырбек Асанов, жазушы, драматург Елен Әлімжан - 80 жас мерейтойларына іс-шаралар циклі.
23 сәуір - Ұлттық кітап күніне орай – 16-17 сәуір күндері - «Кітап – ұлттық құндылық» республикалық кітап фестивалі.
Ұлы Абайдың 180 жылдығы мен 10 тамыз – Абай күніне орай – «Көк тұман – алдындағы келер заман» облыстық байқау (мемлекеттік қызметкерлер арасында)
Ш.Уәлиханов ат. ОӘҒК-ның 85 жылдығына - «Инновациялық даму жолындағы заманауи кітапхана» Республикалық конференция.
2025 жылдың сәуір-қыркүйек айларында «OPEN LIBRАRI - АШЫҚ КІТАПХАНА» - «Ашық аспан астындағы кітапхана» жобасының тұжырымдамасы құрылып, жоба көрсетілген мерзімде үш бағытта жүзеге асырылады:
І-ші бағыт - «ЖАЗҒЫ ОҚУ САЯБАҒЫ» - кітап оқу алаңы;
ІІ-ші бағыт - «ҰЛЫ КҮНГЕ МЫҢ ТАҒЗЫМ!»;
ІІІ-ші бағыт - «КІТАПХАНА – ШЫҒАРМАШЫЛЫҚ АЛАҢЫ. БИБЛИОТЕКА – ТЕРРИТОРИЯ ТВОРЧЕСТВА. LIBRARY IS A CREATIVITY TERRITORY».
2025 жылдың 2 айында – 2288 іс-шара, 71709 оқырман қамтылды. Ш.Уәлиханов ат. ОӘҒК-да – 27 іс-шара, 26651 оқырман.
Облыс кітапханаларында 47 ұзақмерзімді мақсатты кітапханалық бағдарлама жүзеге асырылуда.
Жамбыл облысы мемлекеттік кітапханаларында әуесқой бірлестіктердің жұмысы бойынша 183 клуб жұмыс жасайды, 160 клуб - балаларға арналған (қызығушылық клубтары, үйірмелер және т. б.). Өңір кітапханалары Фейзбук, Инстаграм, YouTube, Tik Tok, Telegram әлеуметтік желілерінде іс-шараларын жариялап, кітапхана оқырмандарына өз қорындағы әдебиеттерді насихаттау жұмыстарын жүйелі түрде жүргізуде.
Кітапханада инновациялық бағыттарындағы жұмыстарымен жете танысып, кәсіби білімін жетілдіру мақсатында аудандық, ауылдық кітапхана мамандарына арналған «Комплектатор», «Библиография» шеберлік сыныбы мен тренингтері жүйелі түрде жүргізіледі.
«Болашаққа қадам: жасанды интеллект және цифрлы экономика жағдайындағы кітапхана» облыстық форсайт сессия Мойынқұм аудандық орталық кітапханасы базасында өтеді.
«Ең үздік ауылдық кітапхана» облыстық байқауы – қазан айына жоспарланған. (Ауыл кітапханаларының ауыл тұрғындарына бүгінгі күн талабына лайықты кітапханалық қызмет көрсетудегі ұйымдастыру біліктілігі мен кәсіби деңгейін анықтау, заманауи дизайнмен жабдықталып, белсенді жұмыс жасауға барлық мүмкіндік жасалған орталықтарға айналдыру) Осы туралы толық ақпарат беріледі.
Алдыңғы мақала
Ұқсас жаңалықтар
