Диас Ахметшәріп 2025 жылдың 7 мамырында Ақтауда өткен ішкі істер министрлігінің көшпелі отырысы кезінде инсульт алып, комаға түскен еді. Дәрігерлер оның жағдайын аса ауыр деп бағалаған.
Диас Ахметшәріп 1997 жылы Қазақ радиосында тілші болып еңбек жолын бастаған. Ұзақ жылдар бойы "Хабар" және "Қазақстан" телеарналарында спорт журналисі болып қызмет етті.
Ол мемлекеттік "Қазспорт" телеарнасының алғашқы директоры болды, сондай-ақ "Insport" телеарнасының бас редакторы қызметін атқарды.
2003 жылдан 2007 жылға дейін спорт және туризм істері агенттігінің баспасөз қызметінің жетекшісі, баспасөз хатшысы қызметін атқарды.
Кейінгі жылдары Диас Ахметшәріп түрлі мемлекеттік органдарда баспасөз хатшысы болып жұмыс істеді.
Ұқсас жаңалықтар
