Шаһардағы Шерхан Мұртаза атындағы Руханият және тарихтану орталығында өткен кездесуге облыстық ардагерлер кеңесінің мүшелері және аймақтың ақын-жазушылары қатысты. Кездесу барысында аймақ басшысы Ербол Қарашөкеев облыс оның ішінде Тараз қаласын дамытуға қатысты өз жоспарларымен бөлісті. Әсіресе туризм, инфрақұрылымын, ауыл шаруашылығы салаларын дамыту, көркейту басты назарға алынғанын ерекше атап өтті. Өз кезегінде зиялы қауым өкілдері мәдениет пен халықтың тұрмыс-тіршілігіндегі біршама мәселелерді көтерді. Қоғам болып бірлесе шешілуі керектігін баса айтты. Жаңадан сайланған аймақ басшысының жұмысына сәттілік тіледі.