Астана қаласында Цифрлық даму, инновациялар және аэроғарыш өнеркәсібі министрлігінің ұйымдастыруымен «Qazaqstan Project Management Awards-2023» жобалық басқару жөніндегі ұлттық байқау өтті. Байқауда Жамбыл облысының жобалық офисі 1-орынды иеленіп, "Жылдың үздік жобалық офисі" номинациясын жеңіп алды. Айта кетейік, бұл байқау мемлекеттік органдар, квазимемлекеттік сектор ұйымдары, бизнес-қоғамдастық, үкіметтік емес ұйымдар мен жоғары оқу орындарына арналған. Форумда еліміздің түкпір-түкпірінен келген 200-ден астам менеджер «Үздік жобалық кеңсе», «Үздік жоба» және «Үздік жобалық менеджер» номинациялары бойынша бақ сынады.