Бүгін  Серік Ахметовты еске алуға арналған кіші футболдан облыстық турнир өтті. Игі шараны Жамбыл облысы бойынша ҚАЖ департаменті ұйымдастырып отыр. Серік Нұханұлы бұрын осы салада, еңбек еткен. Яғни Жамбыл облысы бойынша ҚАЖ департаментін басқарған. Турнирге ҚАЖ департаментіне қарасты №59 түзету мекемесінің басшы құрамы мен қызметкерлері қатысты.Сондай-ақ  Серік Ахметовтың туыстары, ҚАЖ ардагерлері мен ҚАЖ департаментінің басшылығы да атсалысты. Іс-шара бір минут үнсіздікпен еске алудан басталды. Салауатты өмір салтын қалыптастыру және ҚАЖ қызметкерлері арасында дене шынықтыру мен спортты дамыту мақсатында өткен турнирге бірнеше команда қатысып, бақ сынады. Өзара мықтыны анықтап, жарысты қыздыра түсті.Жарыс қорытындысы бойынша үздік ойын өрнегін көрсеткен командалар мен ойыншылар арнайы дипломдар, медальдар және сыйлықтармен марапатталды.