Алғашқы ашылғаннан бастап тек ұлттық ат спорты түрлерінен спортшылар дайындалатын болса, қазіргі таңда мекемеде ұлттық спорт түрлерінің 8 түрінен 304 спортшы жаттығады. Олармен 14 білікті жаттықтырушылар жұмыс жасайды.

Атап айтқанда:

Көкпар: 3 жаттықтырушы, 54 спортшы;

Аударыспақ: 1 жаттықтырушы, 54 спортшы;

Дәстүрлі садақ ату: 1 жаттықтырушы, 12 спортшы; 

Жамбы ату: 1 жаттықтырушы, 12 спортшы;

Теңге ілу: 1 жаттықтырушы, 20 спортшы;

Асық ату: 2 жаттықтырушы, 43 спортшы;

Бес тас: 1 жаттықтырушы, 21 спортшы;

Құсбегілік: 2 жаттықтырушы, 17 спортшы;

Тоғызқұмалақ: 2 жаттықтырушы, 71 спортшы. 

Спортшылар жас ерекшеліктеріне қарай ересектер, жастар және жасөспірімдер тобына бөлініп жаттығады. 

​ Қазіргі таңда мекемеде жаттығатын спортшылардың қатарында 3 «Қазақстан Республикасының еңбек сіңірген спорт шебері», 28 «Қазақстан Республикасының спорт шебері» және 19 «Спорт шеберіне үміткер» бар.

2023 жылы ресми жарыстарда иеленген медальдар саны:

Барлығы: 27 медаль ( 8 алтын, 6 күміс, 13 қола)

Тоғызқұмалақтан Әлем чемпионаты  – 1 медаль (1 алтын) 

Аударыспақтан Азия Кубогы – 1 медаль (1 қола)

Жамбы атудан Әлем Кубогы – 1 медаль (1күміс)

Көкпардан ҚРЧ – 2 медаль (2 алтын)

Аударыспақтан ҚРЧ – 7  медаль (1 алтын, 2 күміс, 4 қола )

Жамбы атудан ҚРЧ – 7 медаль (3 алтын, 1 күміс, 3 қола )

Теңге ілуден ҚРЧ - 2 медаль ( 2 қола)

Тоғызқұмалақтан ҚРЧ - 3 медаль (1 алтын, 1 күміс, 1 қола)

Құсбегіліктен ҚРЧ - 2 медаль (1 күміс,1 қола)

Асық атудан ҚРЧ - 1 медаль (1 қола)

Мекеменің штаттық лимит саны 48,5бірлік. 

Қаржыландырылуы:

2023 жылы - 231 824 000 тг

2024 жылы - 347 046 000 тг

«Әулие-Ата» кәсіпқой клубының спортшылары әр деңгейдегі республикалық және халықаралық жарыстарға қатысып, көптеген жоғары спорттық жетістіктерге қол жеткізді.

Атап айтсақ Халықаралық жарыстарда:

«Әулие-Ата» командасының көкпаршылары ұлттық құрама команданың сапында өнер көрсетіп 2013 жылы Астана қаласында өткен көкпардан І-ші ашық Азия чемпионатының жеңімпазы, 2017 жылы Астана қаласында өткен көкпардан тұңғыш Әлем чемпионатының жеңімпазы және 2022 жылы Түркияда өткен Дүниежүзілік көшпенділер ойындарының жеңімпазы атанды.

Сонымен қатар жастар командасының ойыншылары ұлттық жастар құрама командасының сапында ойнап 2019 жылы Алматы қаласында өткен көкпардан жастар арасында Азия чемпионатының жеңімпазы атанды.

2022 жылы Ресей федерациясы, Татарстан Республикасының Қазан қаласында өткен аударыспақтан Әлем чемпионатында Данияр Смаилов 1 орынды жеңіп алса, Дәулет Ережепбаев қола жүлдегер атанды.

Жамбы ату  спорты бойынша да Жамбылдық спортшылардың жетістігі көп. Атап айтсақ Елдос Бадашев және Абзал Тулыбеков Корей елінде өткен Әлем чемпионаттарының 2 дүркін жеңімпазы атанса, Бақдәулет Бабажан жамбы атудан жастар арасында Азия чемпионатының жеңімпазы атанды. 

Құсбегіліктен өткен тұңғыш Әлем чемпионатында  Серікболсын Жалғасұлы алтыннан алқа тағып, Әлем чемпионы атанды. 

Тоғызқұмалақтан 2021 жылы Ақтөбе қаласында өткен жастар арасындағы Азия чемпионатында ұлдар арасында Сейтжапар Нұрдәулет және қыздар арасында Молдабек Айдана жүлделі 2 орынды иеленді.

2021 жылы Қырғызстан Республикасында өткен тоғызқұмалақтан халықаралық турнирде Әлдибай Нұрбол 1 орынды жеңіп алды.

2022 жылы Көкшетау қаласында өткен тоғызқұмалақтан жастар арасында Азия Кубогында қыздар арасында Сейтбекова Әсел 3 орынды иеленді.

2023 жылы Алматыда өткен тоғызқұмалақтан жасөспірімдер арасында Әлем чемпионатында Молдабек Айдана жеңімпаз атанды.

Республикалық жарыстарда да спортшыларымыздың жетістіктері көп. 

Ағымдағы жылы Тоғызқұмалақтан өткен жасөспірімдер арасында ел чемпионатында 2 қола медаль иеленсек, Асық атудан Ақтау қаласында өткен Қазақстан Республикасының чемпионатында облыс құрама командасы күміс жүлдегер атанды.

Сәуір айының 5-6 күндері Шымкент қаласында өтетін теңге ілуден Азия Кубогына біздің клубтан 3 спортшы қатысады. Сонымен қатар Шымкент қаласында 14-18 сәуір аралығында жамбы атудан Азия чемпионатына ұлттық құрама команданың сапында 1 спортшы ел намысын қорғайтын болады.

Баршаңызға мәлім ағымдағы жылы қыркүйек айында Астана қаласында Дүниежүзілік көшпенділер ойындары өтеді. Аталған байрақты бәсекеге тыңғылықты дайындық жұмыстары басталып кетті. Ұлттық құрама командаларды жасақтау жұмыстары жүргізілуде. Облысымыздың спортшылар көкпар, жамбы ату, аударыспақ, бәйге, құсбегілік спорт түрлері бойынша ұлттық құрамаға енді. Әлі де іріктеу жұмыстары жалғасуда.