Әлеуметтік саласы бойынша округ аумағында жалпы 10 нысан қызмет жасауда. Атап айтқанда әкімшілік ғимарат-1, білім саласында-5, денсаулық сақтау саласында-3, ветеринария саласында-1.

Жаңа оқу жылында мектептерге 412 оқушы барды. Оның ішінде 34-і МАД сыныбында.

Өткен оқу жылында мектеп бітірген 38 баланың 5-і «Ерекше аттестат» иегері атанды.

Спорт мектебінде спорттың 7 түрінен үйірмелері жұмыс істейді.  грек рим күресімен – 62 бала жаттықса, қол күресімен - 51 бала, волейболдан – 25 бала, футболдан – 46 бала, асық ату – 37 бала, дойбымен -106 бала, каратэмен – 37 бала  қамтылған.

Балалар саз мектебінің филиалы бар. Тоғызкент ауылы бойынша домбыра сыныбына – 45 бала, ән-терме сыныбына – 5 бала, баян сыныбына- 5бала және қобыз сыныбына – 1 бала қатысады.

Сондай-ақ, 2023 жылдың қыркүйек айынан бастап ауылдық клуб үйлеріне штат беріліп, арнайы үйірмелер ашылды. Тоғызкент ауылдық клуб үйіндегі ән үйірмесіне – 14 бала, би үйірмесіне 12 бала және көркемсөз үйірмесінде – 8 бала қамтылды. Әбілда ауылдық клуб үйінде ән үйірмесіне  – 12 бала, сурет үйірмесіне –8 бала қатысуда.

Округте 6 дүкен, бір қауынқақ шығаратын цех жұмыс істейді. 2023 жылы Тоғызкент ауылынан автокөлік жуу орны ашылды. Сонымен қатар, 1 автогаз құю бекеті, 1 жанармай құю бекеті мен автокөлік жөндеу орыны бар.

Салауатты өмір салтын қалыптастыру мақсатында округте жалпы 3 кіші футбол алаңы, 2 спортзал бар, 2 стрит воркаут.

«Асар» бағдарламасы аясында ауыл кәсіпкерлері мен шаруа қожалық төрағалары көп балалы Ә.Муралиевке 1 сиыр мен 12 бас қой-ешкі тарту етті және жалғыз басты ана Ж.Аманжолованың тұрғын үйіне жөндеу жұмыстары мен  жылу жүйесін жүргізіп, табиғи газ желісіне қосып берді.

Сонымен қатар, ауданымыздың кәсіпкері Т.Түсіпбеков жылу жүйесінің материалдарын алуға және 5 баласына қыстық киімдер сыйлады.

Сондай-ақ, «Жомарт түлек» жобасымен «Жанна» балабақшасына құдық қазылып, айналасы көгеріштендірілді. «Түгіскен» орта мектебінің алдына бастырма салу жұмыстары мен «Сәдібай» мешітінің жанынан ас беретін нысан құрылысы салынуда.

«3-желтоқсан Мүгедектер» күніне орай ауылдық округтегі 5 мүгедек азаматтарға заманауи смартфондар тарту етілді.

Ауылымыздан шыққан академик Құралбек Құлажанов ағамыз ауыл әкімдігіне 2 млн. теңге көлемінде демеушілік жасады. Бұл қаржыны ауылымыздың жағдайы төмен отбасыларына көмек ретінде және мерекелік іс-шараларға сыйлықтар алуға жұмсалуда.

Тоғызкент ауылындағы ауыз су жүйесінің тозуына байланысты 2023 жылы ауыз су жүйесін жаңарту жұмыстары жүргізілді. Үстіміздегі жылы пайдалануға берілетін болады.

2023 жылы жұмыспен қамту шаралары бойынша 19 адам тұрақты жұмысқа орналасса, 64 адам уақытша жұмысқа орналасты. Қоғамдық жұмыспен 21 адам және Жастар тәжірибесімен 4 адам қамтылды. Бастау-бизнес жобасымен 11 адам оқып сертификат алса, оның ішінде 2 адам 400 АЕК дейін қайтарымсыз қаржы алды.

Ұялы байланыспен толық қамтамасыз етілген.

Сонымен қатар, жыл басынан бері Жаңатас–Тоғызкент-Әбілда бағытына күніне бір рет және Тараз-Тоғызкент-Досбол бағытына бір рет көлік тасымалы шығарылған. Жол ақы құны – 300 теңге.