Жамбыл облысы әкімдігінің мәдениет, архивтер және құжаттама басқармасының К.Әзірбаев атындағы Жамбыл облыстық филармониясы 1968 жылы құрылған өнер ордасы. Өнер ұжымының штаттық кестесінде – 223 қызметкер, оның 150-і шығармашылық құрам. Оның ішінде: Қазақстанның еңбек сіңірген қайраткерлері – 3, Мәдениет саласының үздіктері – 21 әртіс.
Филармонияда 8 шығармашылық ұжым бар. Олар: Қазақ ұлт аспаптар оркестрі, «Алатау» фольклорлық ансамблі, «Тараз» және «Жамбыл» триолары, «Кәусар» вокалдық ансамблі, «Ақкербез» және «Айша бибі» би ансамбльдері, «Балауса» циркі, одан басқа жекелеген эстрадалық, академиялық және дәстүрлі әртістер жұмыс істейді.
Баспасөз конференциясында филармония директорының орынбасары Жандос Омаров ұжымның дамуы, атқарған жұмыстары туралы есеп береді. Сондай-ақ, Кенен Әзірбаевтың 140 жылдығына арналған іс-шаралар кешені мен алдағы жоспарлар жайындағы ақпараттар да ортаға салынады.
Ұқсас жаңалықтар
