Сондай-ақ, спорт және жұмыспен қамту саласында жалғандық белгілері бар дипломмен жұмыс жасаған 22 қызметкер жұмыстан босатылды. Жол саласында істелмеген жұмыстар үшін қаражатты толық төлеу, кепілдік мерзімді белгілемеу және ақаулығы бар жолдарды қабылдау түріндегі бұзушылықтарға жол берген 25 лауазымды тұлға тәртіптік жауапкершілікке тартылды.  Бұл туралы Өңірлік коммуникациялар қызметінің ақпарат алаңында ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департамент басшысы Ернар Мақажанов мәлімдеді.