Жібек жолы ауылының ардагерлері Қалдыбек Мейірбеков пен Бейсен Жүзгенбаев та айтулы шараның маңыздылығына тоқтала келе, мердігер «Мүгедек» Арқалық қалалық ерікті мүгедектер қоғамы» қоғамдық бірлестігіне алғыстарын білдірді.

Спорт алаңшасы мен балалар саябағының лентасын аудандық мәслихаттың төрағасы Бақтияр Ақбаев пен ауыл қариясы Бейсен Жүзгенбаев қиды. Ақ жаулықты әжелер шашу шашқаннан, соң футбол алаңшасындағы ең бірінші футбол ойыны да басталып кетті. Ауыл жастары мен мектеп оқушыларынан жасақталған командалар арасындағы ойын тартысты өтіп, жеңімпаздарға Кубок, медальдар табыс етілді. Шара соңында әруақтарға құран бағышталып, көпшілікке ас берілді.