Бұл – облыстағы саумалмен емдейтін жалғыз сауықтыру кешені. Шипажай Батыс Қытай – Батыс Еуропа халықаралық тас жолынан небәрі 10 шақырым жерде, Абжапар ауылының тау шатқалында орналасқан. Мұндағы биік таулар мен табиғаттың өзі-ақ ем болатын ерекше атмосфера сыйлайды.

«Тау қымыз» – тек демалыс орны емес. Бұл – табиғи жолмен денсаулығын түзеуге ниетті жандар үшін таптырмас орын. Мұнда емделушіге күн сайын 600 грамм саумал мен кешкі асқа қымыз беріледі. Шипажай балшық ваннасы, фитобочка, тұз шахтасы, парафин терапиясы, массаж төсегі, физиотерапия сияқты табиғи емдік процедуралармен толық жабдықталған. Барлық ем-дом дәрігердің бақылауымен жүргізіледі.

Бағасы да қолжетімді. Кешен қызметі жатын орын, 3 мезгіл тамақ, саумал мен қымыз және емдеу процедураларын қоса алғанда – күніне 16 000 теңге. Ал егер адам тек саумал ішіп, тынығып қайтуды қаласа, бағасы – 13 000 теңге.

Шипажай бір уақытта 80 адамға дейін қабылдай алады. Бөлмелер 2-5 орындық, жайлы әрі таза. Ас мәзірі табиғи өнімдерге негізделген, дәруменге бай тағамдар ұсынылады. Қызмет көрсету деңгейі – жоғары. Барлық жағдай денсаулықты қалпына келтіруге және жайлы тынығуға лайықталған.

Жоба 2019 жылы іске қосылған. Құны – 300 миллион теңге.

Бүгінде «Тау қымыз» – тек Тұрар Рысқұлов ауданының емес, бүкіл Жамбыл облысының туристік және медициналық брендіне айналып келеді. Табиғи шипаны іздеген әр адам үшін бұл – жай демалыс емес, денсаулық пен тыныштыққа жолдама.