2025 жылғы 1 қаңтардан бастап Қазақстанда халықты әлеуметтік қорғау саласында арнаулы әлеуметтік қызметтерді (бұдан әрі – АӘҚ) лицензиялау енгізілді,

Лицензиялау көрсетілетін арнаулы әлеуметтік қызметтердің сапасын арттыру, мүгедектігі бар адамдарды және көрсетілетін қызметті алушылардың өзге де санаттарын әлеуметтік оңалтудың тиімділігін көтеру үшін жағдайлар жасайды, сондай-ақ осы саладағы бұзушылықтар санын азайтуға оң ықпал етеді.

Лицензия алмай арнаулы қызметтер көрсетуге заңмен тыйым салынған.

Лицензиялаудың екінші міндеті – қызмет көрсетуді жан басына шаққандағы тариф бойынша қаржыландыру. Яғни, әлеуметтік қызметкерлер нақты айлыққа емес, көрсеткен қызметінің көлеміне қарай ақы алатын болады.

Жамбыл облысында бүгінгі күні 38 арнаулы қызмет көрсететін ұйымдар лицензияланды, оның ішінде 26-сы Мемлекеттік мекемелер болса, 12-сі үкіметтік емес ұйымдар. Жалпы қызмет алуышылардың саны 4317 адам.

Лицензия алған ұйымдардың 7-сі толық стационар, 15-і жартылай стационар, 4-і уақытша болу, 14-і үй жағдайында қызмет көрсететін ұйымдар.