«Қазақстан Республикасының мемлекеттік қызметі туралы» Заңының талаптарына сәйкес Мемлекеттік қызмет істері агенттігі мен оның аумақтық департаменттері мемлекеттiк органдардың мемлекеттік қызмет саласындағы заңнамасын сақтауын, мемлекеттік қызметшілердің қызметтік әдепті сақтауын, мемлекеттік қызметтер көрсету сапасын Қазақстан Республикасының заңнамасына сәйкес мемлекеттік бақылауды жүзеге асырады.
Осы орайда, Департамент тарапынан мемлекеттік қызмет саласындағы заңнама талаптарының сақталуына қатысты бақылау жұмыстары тұрақты түрде жүргізілуде.
Мәселен ағымдағы 1-жартыжылдығында мемлекеттік қызмет саласындағы бақылау бағыты бойынша 20 тексеру жүргізілді, оның ішінде 5-і жоспарлы тексерулер, сондай-ақ 15-і жоспардан тыс тексерулер.
Жүргізілген тексерулердің нәтижелерімен мемлекеттік қызмет саласындағы заңнаманы бұзудың 244 фактісі анықталып, бұзушылықтарды жою туралы 9 ұсыну енгізілді.
Бұл ретте, тексерулермен анықталған 143 заңбұзушылық бойынша қалпына келтіру жұмыстары жүргізілді.
Сонымен қатар, тексерулердің нәтижесінде 34 азаматтың құқықтары қалпына келтірілсе (33-і мемлекеттік қызметшілер, 1-і жеке тұлға), 9 мемлекеттік қызметші тәртіптік жауапкершілікке тартылды.
Бұл бағыттағы жұмыстар тұрақты түрде өз жалғасын табуда.
Келесі мақала
МЕМЛЕКЕТТІК ҚЫЗМЕТШІЛЕРДІҢ ҚҰҚЫҚТАРЫ ҚОРҒАЛДЫ
Ұқсас жаңалықтар
