Өз сөзінде директор, Зияткерлік мектептердің тәжірибесін тарату жұмыстары 2012 жылдан бері жүйелі түрде жүзеге асып келе жатқанын айтты. Сондай-ақ ол Мемлекет басшысы Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауына тоқталды. Жолдауда қала мен ауыл мектептері арасындағы білім сапасының алшақтығы және ауылдық жерлердегі білікті педагог кадрлардың тапшылығы мәселесіне ерекше назар аударылғанын жеткізді.

Өткен оқу жылында 880 мұғалімге функционалдық сауаттылықты арттыру, бағалау құралдарын әзірлеу, Lesson Study, белсенді әдістерді қолдану және тәрбие жұмысы жобалары бойынша әдістемелік қолдау көрсетілді. 2025 жылдың ақпанында Жамбыл облысының 60 мектебі басшыларына арналған «Оқыту мен бағалаудағы сапаны бағалау» семинар-практикумында мектептің даму жоспары, мұғалімнің кәсіби өсуі мен білім сапасын бағалау мәселелері талқыланды. Нәтижесінде тірек мектептерімен бірлескен зерттеу халықаралық WALS конференциясына жолдама алды.

Брифинг барысында мектеп директоры журналисттерді қызықтырған сұрақтарға жауап берді.