ТЮРСОЙ ұжымының 30 жылдығына орай ТЮКРСОЙ және Түркістан облысы әкімдігінің қолдауымен Qazaq Oner ұлттық Ассоциациясының ұйымдастыруымен 2023 жылдың 24-27 қыркүйегі аралығында Түркі әлемінің этнофестивалі өтті. Фестиваль аясында Құрманғазы атындағы Қазақ ұлттық консерваториясының аға ұстазы, өнерзерттеуші Нұргүл Жақыпбектің «Жетіген дамыту жолдары» атты авторлық семинарына К. Әзірбаев атындағы Жамбыл облыстық филармониясының әртістері Гүлмира Сабалиева, Айзат Утепбаева және Фариза Мәдияр қатысып, шеберліктерін шыңдады.