Зерттеу объектісі – Қазақстан Республикасының 20 облысының ересек тұрғындары (16 жастан 70 жасқа дейін). Респонденттердің іріктемесі әрбір аймақ тұрғындарының жынысы мен жас құрылымын ескере отырып және оның халқының жұмыспен қамтылу құрылымына сәйкес құрылды.
Жамбыл облысы бойынша сауалнамаға 1092 адам қатысты.
Сауалнамаға қатысушылардың 80%-ы облысымыздағы ұялы байланыс қызметіне қанағаттанған, бұл Қазақстан бойынша орташа көрсеткіштен 8%-ға жоғары.
Біздің облыстағы респонденттердің 57% медициналық қызмет көрсету сапасы, ал 66% респонденттердің білім сапасына қанағат, ол дегеніміз республика бойынша орташа көрсеткішті құрайды.
Сауалнамаға қатысушылардың 55%-ы банк қызметтеріне қанағаттанған, бұл орташа республикалық көрсеткіштен 6%-ға төмен. Респонденттердің айтарлықтай жоғары пайызы қоғамдық тамақтандыру сапасы мен базарлардың жұмысына қанағаттанған – тиісінше 72% және 87%. Өңіріміздегі сауалнамаға қатысушылардың 17%-ы ғана супермаркеттердің жұмысына шағымдарын атап өтті.
Ұқсас жаңалықтар
