Қоғам 2020 жылдан бері алғаш рет жеке қаржылық есептілік бойынша 2024 жылды 183 млн теңге пайдамен аяқталды.

Ал, агроөнеркәсіп кешеніндегі инвестициялық жобаларды қаржыландыру және шағын өнеркәсіп аймағын құрылысын несиелеу есебінен активтер 13 млрд теңгеге артып, 48 млрд теңгеден 61 млрд теңгеге дейін ұлғайды.

2024 жылдың мамыр айында Қоғамның базасында Жамбыл облысына инвестициялар тарту бойынша «Zhambyl Invest» дирекциясы құрылды. Zhambyl Invest отандық және шетелдік инвесторларға «бір терезе» принципі бойынша консультациялық көмек көрсетеді. Zhambyl Invest-тың негізгі міндеттерінің бірі – Жамбыл облысының инвестициялық тартымдылығын арттыру.

Zhambyl Invest құрылғалы бері 300-ден астам кездесу мен консультация өткізіліп, инвесторлармен     25 меморандум мен өзара ынтымақтастық туралы келісім-шарттарға қол қойылды. Сондай-ақ,  бауырластық қатынастар (ҚХР қалалары мен аудандарымен Жамбыл облысының қалалары арасында) орнатылды. Сонымен қатар, 30-дан астам тауашалық және 20-дан астам инвестициялық жобаларға арналған тизерлер әзірленді.

Шетелдермен ынтымақтастықты нығайту және инвестиция тарту мақсатында жұмыс барысында 5 басым бағыт таңдалды. Бұл – Түркия Республикасы, ҚХР, Еуроодақ елдері, Парсы шығанағы елдері және Оңтүстік-Шығыс Азия елдері.

Қорыта айтқанда, бұл бағыттағы жұмыстар алдағы уақытта да жалғасатын болады. Жаңа әрі табысты жобалар болашақта Жамбыл облысының одан әрі дамуына және оның инвестициялық тартымдылығын нығайтуға ықпал етеді деп сенеміз.