Салтанатты іс-шараға Жамбыл облысының әкімі Ербол Қарашөкеев, облыстық және қалалық мәслихаттардың, қоғамдық және ардагерлер кеңестерінің төрағалары, зиялы қауым өкілдері, ардагерлер, сондай-ақ белсенді жастар қатысты.

Жиналған қауым ел тәуелсіздігі жолында жанын қиған ата-бабалардың рухына тағзым етіп, олардың ерлігі мен еңбегін еске алды. Гүл шоқтарын қою арқылы қатысушылар бейбіт өмір мен азаттықтың қадір-қасиетін ұлықтап, егемен елдің болашағына деген сенімдерін білдірді.

Іс-шара барысында Тәуелсіздіктің ел дамуы үшін маңызы, мемлекет қалыптастыру жолындағы тарихи кезеңдер, сондай-ақ жас ұрпақтың отансүйгіштік рухта тәрбиеленуінің маңыздылығы атап өтілді.

Мерекелік рәсім ел бірлігін нығайтып, Тәуелсіз Қазақстанның жетістіктерін дәріптеуге бағытталған тағылымды шараға айналды.