Оның ішінде 55,3 млн теңге бюджетке өтелуге жатса, нақты 33,1 млн теңге бюджетке қайтарылып, бұл көрсеткіш 59,8% орындалғанын көрсетті. Сонымен қатар, 939,2 млн теңге қалпына келтіруге жатқызылып, оның 827,3 млн теңгесі орындалған жұмыстар мен көрсетілген қызметтер есебінен қалпына келтірілді, бұл 88,1% деңгейінде.

Бұдан бөлек, 4 674,1 млн теңге көлемінде бухгалтерлік есеп пен есептілік саласындағы бұзушылықтар, 13 164,1 мың теңге рәсімдік сипаттағы заңбұзушылықтар анықталды. Оның ішінде мемлекеттік сатып алу заңнамасының талаптары бұзылып, жалпы сомасы 3 780,0 мың теңге көлемінде заңсыздықтар тіркелген.

Аталған фактілер қаржы тәртібін күшейту, бақылау тетіктерін жетілдіру және бюджет қаражатын тиімді пайдалану қажеттігін көрсетеді.