Іс-шараға полк командованиесі, жеке құрам, шақырылған қонақтар мен Қазақстан Республикасының Қарулы күштерінің ардагерлері қатысты. Қорғаныс министрі Жамбыл облысының Әлішер Қырықбайұлы, Әуесбай Көмекбайұлы, Әмір Жанабайұлы, Мақсат Тұрарулы, Мұхит Балмағамбетұлы, Тілеужан Қуатжанұлы және Мақсат Құрманғазыұлы сынды батырларымен орынды түрде мақтанатынын атап өтті.

«Олар – өз халқына адал қызмет еткен, Отан қорғауда ерлік көрсеткен нағыз патриоттар. Қазақстандықтар ержүрек жауынгерлер мен Бауыржан Момышұлының рухына терең тағзым етеді. Оған “Халық қаһарманы” атағының берілуі – халықтың оның ерлігіне деген зор құрметінің айқын көрінісі», – деп атап өтті авиация генерал-лейтенанты Дәурен Қосанов.

2025 жылғы 25 желтоқсанда Ұлы Отан соғысындағы көрсеткен ерлігі мен батылдығы үшін Қазақстан Республикасының Президенті Қасым-Жомарт Тоқаевтың Жарлығымен Бауыржан Момышұлына (қайтыс болғаннан кейін) «Халық қаһарманы» атағы беріліп, ерекше айырым белгісі – «Алтын жұлдыз» және «Отан» ордені тапсырылды.